(Фото) Фантастична замисла „Белград на вода“!

Добивај вести на Viber

Во Дубаи беше претставен мастер планот за изградба на проектот “Белград на вода“. Пред тоа се претставени и  идејните решенија за Кулата Белград и трговскиот центар.

Фирмата Eagle hills која ќе го гради Белград на вода распиша конкурс за архитектонско решение за двата објекти-Кула Белград и трговски центар. На овој конкурс учествувале најпознати светски фирми, меѓу кои и американското студио “СОМ“ кој е автор на највисоката зграда на светот Бурж Калиф во Дубаи.

Вкупната површина на “Белград на вода“, вклучувајки и стамбен и делевен простор ќе изнесува 1.850.000 метри. Должината на булеварот ќе биде 1,8 км, а ширината 40 метри. Ќе се гради во три големи фази, а првата ќе биде во пет етапи.

Според изјавите на потпретседателот на српската Влада Александар Вучиќ во изградбата на “Белград на вода“ ќе бидат вклучени и фирми и архитекти од Белград, а околу 20.000 луѓе ќе бидат вработени. “Белград ќе стане регионален центар. Ќе бидеме земја која привлекува најмногу туристи и инвеститори во целиот регион, вели Вучиќ.

Се очекува Кулата Беград да биде изградена до 2017-та година. Вучиќ смета дека политичката и економската стабилност во земјата се неопходни за привлекување на странски инвестиции, и дека Србија е земја во која тие услови се исполнети.

Светската премиера на проектот  “Белград на вода“ ќе се случи на 11-ти март во Кан, на најголемиот светски саем за недвижности. К.К.