(ФОТО) Графика на денот: Од каде минуваат светските нафтени патишта?

Добивај вести на Viber

Секоја голема економија во светот се напојува со нафта, но повеќето од нив не произведуваат нафта, која се користи.

„Статистичкиот преглед на светската енергија“ британската нафтена компанија „BP“ презентираше графика која ги следи трговските нафтени патишта во целиот свет.

Блискиот Исток е лидер во извозот на сурова нафта со 850,1 милиони тони за 2014 година. Во првите три се уште Русија со 294,8 милиони тони и Западна Африка со 213,9 милиони тони. На четвртото место е Канада со извоз од 148,6 милиони тони.

Во однос на извоз на преработени нафтени производи, како бензин и дизел, САД водат во рангирањето со 179,9 милиони тони. Сосема блиску по нив се повторно Русија и Блискиот Исток.

Од другата страна се наоѓа Европа, која е најголемиот увозник како на сурова нафта (446,9 милиони тони), така и на нафтени производи (173,5 милиони тони). Во исто време, сепак, САД, Кина, Индија, Јапонија и Австралија се најголемите корисници на сурова нафта и нафтени производи.

Графиконот може да послужи и за добар инструмент, кој може да покаже кои се најголемите победници и губитници од падот на цените на нафтата во последната една година.