(ФОТО) ИВЗ испрати писмо до Владата дека нема да го почитува полицискиот час за Рамазан Бајрам
Објавено во: Македонија 21 Мај, 2020
Реисот на Исламската верска заедница, Сулејман Рецепи, објави дека Владата била информирана писмено дека нема да бидат почитувани ограничувањата на движењето за време на продолжениот викенд, односно за муслиманскиот празник Рамазан Бајрам.
Во писмото испратено пред три дена се информира Владата и Комисијата за заразни болести како релевантни институции, кои ја носат одлуката дали ќе биде продолжен полицискиот час за време на празникот, дека ИВЗ нема да ги откаже молитвите.
Ријасетот наведува дека ќе се почитуваат мерките за растојание при клањање на верниците како и преостанатите препораки.
Комисијата за заразни болести на Владата веќе и препорача јарантинот за престојниот викенд да трае од сабота во 19 часот до вторник до 5 часот наутро.