(ФОТО) МАКЕДОНЦИТЕ НАВАЛИЈА НА ГРЧКИТЕ ПЛАЖИ - на Богородица врие од возила, да се искористи продолжениот викенд
Објавено во: Македонија 18 Јуни, 2021
Продолжениот викенд во земјава поради денешниот празник Задушница, кој ќе трае три дена, беше добар повод огромоен број граѓани од земјава да заминат на некоја од грчките плажи.
Некои од граѓаните можеби сега почнуваат да го користат годишниот одмор.
Од утрово може да се забележи метеж на граничниот премин Богородица - Евзони со Грција.
Читатели за Фактор испратија фотографии од кои се гледа големиот број возила кои мораат да чекаат и до еден час за влез кај нашиот јужен сосед.
Топлото време кое се најавува за сите денови од продолжениов викенд, измамија многумина да се решат да заминат во Грција.
Инаку, грчките власти најавија дека за влез во таа држава нема да е потребен ПЦР тест, туку само брз тест, а се разбира, влез ќе биде возможен и за вакцинираните граѓани.