(ФОТО) МЕЧКА СЕ ПРОШЕТА НИЗ ГРАД ВО ГРЦИЈА: Жителите исплашени, дојдоа и пожарникарите

Добивај вести на Viber

Животното за прв пат е забележано во раните утрински часови вчера на улицата Мавили, каде што ноќните шетачи останаа без зборови од глетката, објави Прототема.

Еден час подоцна, мечката е повторно забележана, овој пат на улицата Арејану, во близина на болницата во Трикала. Фотографиите објавени на социјалните мрежи покажуваат дека се движи мирно, но видливо дезориентирано.

Според експертите, станува збор за младо животно старо околу две години, кое веројатно ја напуштило својата природна средина во потрага по храна или од љубопитност.

„Пожарникарите и полицијата се во готовност, додека се очекува помош од еколошката организација Калисто или други надлежни тела. Засега, мечката исчезна по прошетката“, соопштија властите во Грција.

Нејзиното присуство предизвика реакции, загриженост и страв за безбедноста на жителите и животните, но и возбуда поради „неочекуваната средба со дивиот свет“. Експертите потсетуваат дека мечките не се агресивни по природа, освен ако не се испровоцирани или изненадени, и препорачуваат граѓаните да останат смирени, да не им се приближуваат и веднаш да ги известат властите доколку ги забележат.

<blockquote class="twitter-tweet" data-media-max-width="560"><p lang="en" dir="ltr">Bear seen roaming the streets of Trikala <a href="https://t.co/FWg9LSlV7d">https://t.co/FWg9LSlV7d</a></p>&mdash; Kathimerini English Edition (@ekathimerini) <a href="https://twitter.com/ekathimerini/status/1971995385427382782?ref_src=twsrc%5Etfw">September 27, 2025</a></blockquote> <script async src="https://platform.twitter.com/widgets.js" charset="utf-8"></script>