(ФОТО) Отворен реновираниот Бар Форца!

Добивај вести на Viber

Вчеравечер, Скопје доби нов, вински супермаркет концепт.  Бар Форца ги отвори вратите на комплетно реновираниот простор, со единствен концепт од овој тип во државата. „При создавањето на овој концепт, целта беше да им излеземе во пресрет на сите љубители на квалитетно вино и пријатна атмосфера. Веруваме дека на овој начин, ја продолжуваме уникатната приказна која Форца ја гради низ десетгодишното постоење. Отсега, Бар Форца ќе биде насочен кон промоција развој на винска култура, заедно со винариите кои се присутни во нашата винотека”, изјави Боби Тешев, кој од името на Бар Форца им посака добредојде на гостите. Просторот кој е добро познат по својата пријатна атмосфера, од денес е трансформиран во вистински вински дом – место каде гостите ќе можат да ги пробаат најквалитетните вински етикети од Република Македонија и Европа. Менаџментот, во насока на одбраниот концепт за промоција и развој на винската култура во Македонија, најави одржување на работилници за винска едукација на кои ќе се изучуваат основни факти за виното, начин на изработка, и најважно, начин на конзумација на истото. На отворањето беа присутни пријатели на Форца, соработници и претставници на медиумите, а вечерта ја збогатија и настапите на Ѓоко Танески, Бени Нон Стоп и Кристина Арнаудова.