ФОТО: Црногорците удрија на цените: Сладолед наплаќаат по 2,80 евра!

Добивај вести на Viber

Општо е познато дека на летување производите се поскапи отколку што навикнавме во својот град, меѓутоа Црногорците со зголемувањето на цените овој пат навистина претерале. Тие цената на сладоледот „капри“ безобразно ја качиле и по пет пати, реагираат српски медиуми.

Наместо 60 српски динари, колку што чини овој сладолед во Србија, во Херцег Нови во хотелот Ривиера, српски турист за „капри“ платил дури 2,8 евра, што е 336 динари. Уште и уредно добил фискална сметка како да не е „ограбен“. На неа може да се види дека купил два сладоледи за кои платил 5,60 евра, односно 673 динари.

Горан Павловиќ од Здружението за заштита на потрошувачите вели дека не му е јасно што сакаат со тоа да постигнат Црногорците:

-На тоа ние не можеме да влијаеме. Доколку тоа е бизнис политика на тој хотел или Црна Гора, потрошувачите треба тоа да го знаат. Меѓутоа, знаеме колкави се реалните цени и дека таму во моментов има малку гости, па можеби со тоа сакаат да ги надокнадат загубите. Ако тоа им е целта тогаш тоа многу брзо ќе им падне врз глава“, рекол Горан за српски курир.

Од хотелот одговор на оваа тема нема.