(ФОТО-ВИДЕО) ИСТРЕЛ ВО ГЛАВА: Ликвидиран Пит Михалик-адвокатот на убиецот на Аркан
Објавено во: Балкан 30 Октомври, 2018
Во крвава пресметка е убиен Пит Михалик, познат јужноафрикански адвокат од Јоханесбург и адвокат на убиецот на Аркан. Бил убиен утрово пред приватно училиште во Грин Поинт додека ги водел децата на училиште. Адвокатот бил ликвидиран со истрел во главата, а убиецот по ликвидацијата избегал со металик сив автомобил ,,поло’’. Според изјавите, ранет е и осумгодишниот син на адвокатот, кој бил во автомобилот заедно со сестра си.
Убиениот ги носел своите две деца на училиште, оддалечено само неколку минути од својата куќа во елитниот дел на градот. Михалик бил самохран татко. Неговата сопруга се самоубила пред неколку години, а тој веднаш по трагедијата бил фатен во прегратка на позната манекенка.
Во адвокатските кругови Михалик бил познат по тоа што застапувал голем број мафијаши. Неговото убиство се поврзува со убиството на адвокатот Нурудин Хасан, кој исто така работел на случајот Гавриќ.
Овој случај може да се поврзе со низата ликвидации поврзани со Срби во Јужна Африка. Добросав Гавриќ е осуден на казна затвор од 35 години поради убиство на Аркан Ражнатовиќ и двајца негови пријатели. Гавриќ се наоѓа во куќен притвор во Јужноафриканската Република, каде бил уапсен во декември 2011 година. Тамошните власти се’ уште не го предале во Србија, за што придонел и убиениот адвокат.
Фото: Evening Standard