ФРАНЦУСКИ ЕКСПЕРТ ЗА ЕВРОПСКИ ПРАШАЊА: Maкедонија економски и политички не е подготвена за ЕУ
Објавено во: Македонија 31 Октомври, 2019 07:10
Македонија економски и политички, институционално не е подготвена за ЕУ, вели Антуан Пикард, француски експерт за европски прашања од Тулуз, и смета дека тоа е причината која го натера францускиот претседател Емануел Макрон да стави вето на самитот во Брисел, а со тоа нашата земја да не почне преговори.
Вели дека самата ситуација во Франција и Европа налага да се преземе еден таков чекор. Според него, недовербата е оправдана.
„ЕУ веќе не е како порано. Се разбира дека постои разлика меѓу Македонија и Албанија, но европските граѓани не го гледаат тоа, за нив и двете се споредливи со екс-комунистичките земји на Балканот“, додава Пикард, и вели дека во заедницата влегле земји кои не биле подготвени, а дури сега се гледаат последициите, и не треба таа шема да се повтори со Македонија.
Како пример ја наведе и Грција која често се соочува со финансиски кризи. Реформи се потребни за да се подобри животот на граѓаните.
„Се разбира, секој може да ги смени работите во својата сфера, без разлика дали е во неговиот секојдневен живот или на ниво на влада. Секој може да се погрижи да донесе реформи и промени, за тоа нема потреба од Европа“, вели тој.
Според него, тоа е она што фали во Македонија и што ги уверува другите држави дека Македонија не е подготвена за ЕУ.
Пикард вели дека со напори, можеме да ги смениме работите дома, да направиме реформи, но дали Македонија ќе влезе во ЕУ, ќе зависи од поширокиот контекст.
„Но, што и да направи Македонија, ќе зависи не само од неа, туку и од европскиот и меѓународниот контекст и кои се лидерите на сите земји-членки на ЕУ“, додава тој.
Откако Македонија не доби датум за преговори, а претходно го промени името со Договорот од Преспа, со цел да напредува во евроинтеграциите, имаше разочарување на домашната политичка сцена. На 12 април идната година ќе се одржат избори, со што граѓаните ќе треба да одлучат во кој правец ќе се движи Македонија.
По ветото, се споменуваа идеи за партнерство или за „пробно членство“ во ЕУ за Западен Балкан.
Европската Унија и Западот значително изгубија доверба и можност за влијание врз Балканот и со тоа е овозможено поголемо влијание на Русија, Кина и Турција, објави вчера швајцарскиот весник „Ноје цирхер цајтунг“.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
И ТОШКОВСКИ ДОБИ ПОРАКА ОД „БЕЗБЕДЕН ГРАД“: Возел над дозволеното
ЕВЗОНИ ДЕНЕСКА ЌЕ БИДЕ ДВА ПАТИ ЗАТВОРЕН: Внимавајте доколу одите кон Грција
СДСМ: Семејна фирма на Томовски добила скоро 5,5 милиони евра од тендери
„ЕСТАБЛИШМЕНТОТ Е ЗАГЛАВЕН ВО БЈРМ-ОВСКА ЗАВИСНОСТ ОД СРПСКО-РУСКИОТ СВЕТ“: Величковски вели дека Македонија е пред избор: ЕУ или изолација
ВМРО-ДПМНЕ НА КОНГРЕС: Мицкоски влегува во последниот мандат како лидер на партијата
Британска амбасада: Со Македонија соработуваме за борба против нерегуларната миграција
Продолжува „Фејсбук војната“ на експремиерите - Груевски до Заев: „Доста си се чукао и ударао у градима нашима“
Ќе има ли мигранти во Македонија: „Тајмс“ шпекулира, СДСМ реагира, ВМРО-ДПМНЕ негира
Локални дождови ќе направат хаос на патиштата – подгответе се
