Добивај вести на Viber
Фризерката Благица Дончевска, која што е обвинета за измама на 42 лица на кои им продала непостоечки социјални станови за 400 евра од квадрат, денеска излезе на суд. Пред надлежните таа изјави дека не е виновна, туку и самата била жртва на измама. За време на нејзиниот распит пред судот, тврдеше дека не се претставувала како владин претставник и вработена во македонската Владата. Становите кои што ги продавала и ги понудил нејзин роднина, а и нејзиното семејство, според фризерката било оштетено затоа што дало 35 илјади евра за 3 стана, а становите сеуште ги нема добиено.
Затоа, се правдаѓе фризерката пред судот, верувала дека проектот е реален бидејќи роднината што стоел зад целата работа ја уверувал дека зад него стојат моќни луѓе.
Потоа програмата за социјалните станови таа ја понудила на нејзини познаници, а тие го прошириле кругот, па дури дел од оштетените барале провизија за посредување при продажба на станови.
Дончевска тврдеше дека не знаела дека становите не постојат, но не видела никаква документациаја за нив. И оштетените не ги виделе становите, но и дале пари кои биле уплаќани на сметката на нејзиниот татко, вториот осомничен во случајот.
Следното рочиште на кое што ќе се изјаснат жртвите на измамата е закажано во петок. Аферата тежи стотици илјади евра, а фризерката беше уапсена во март.