Фросина Ременски по пресудата: Задоволна сум од одлуката
Објавено во: Македонија 07 Април, 2022
Поранешната потпретседателка на СДСМ, Фросина Ременски, денеска по пресудата за случајот „Меѓународен сојуз“ во која доби ослободителна пресуда, пред медиумите рече дека е физички и психички исцрпена и дека сака прво да ги среди емоциите пред да коментира во јавноста.
„Јас сум задоволна од одлуката. Повеќе од две години и псигички и физички, како и емоционално поминувам исцрпувачки низ овој процес. Да ја добијам пресудата, па ќе дадам повеќе образоложенија. Треба да си ги средам емоциите од овој долг и измачувачки процес за мене, изјави поранешната функционерка.
Ременски се ослободува од обвинението бидејќи јавниот обвинител немал докази дека ги убедувала измамените со својот авторитет.