(ГАЛЕРИЈА) Бурна првата седница по крвавиот четврток во Собрание

Добивај вести на Viber

Првата седница која што продолжи по паузата од еден и пол час досега се одвива во тензична атмосфера. Владеачката партија и идната опозиција си ги заменија столчињата. Пратениците од редовите на ВМРО ДПМНЕ седнаа на опозициските столчиња.

Пратениците од ВМРО ДПМНЕ и понатаму го обвинуваат спикерот и пратниците од СДСМ за кршење на деловникот и уставот.

Илија Димовски и по 15 часот продолжува да му се обраќа на спикерот со „колега“.

Претходно страстите пламнаа меѓу Милошоски и Џафери.

Меѓу присутните денеска во Собраниското столче е и лидерот на ВМРО ДПМНЕ Никола Груевски.

Мандатарот за премиер Зоран Заев изјави дека неговата влада ќе биде посветена за развој на економијата, јакнење на институциите и евроатланските интеграции.

„Наша цел е почеток на преговори со ЕУ во најкраток можен рок, како и членство во НАТО“, рече Заев образложувајќи ја програмата на владата пред пратениците во Собранието од кои побара поддршка.

По експозето во Собрание пратениците според деловникот, може да дискутираат до утре на полноќ, кога ќе се пристапи на гласање на новиот владин кабинет.

За поддршка на владата е неопходен 61 глас, а собраниското мнозинство, кое го сочинуваат  СДСМ од македонскиот блок и ДУИ и Алијансата за Албанците од албанскиот блок има 62 гласа.

БЕСА реши да не биде дел од Владата на Заев бидејќи мандатарот не прифати редефинирање како барање на движењето на Билал Касами.