Ганка Цветанова пишува за чист образ - на кого мисли?
Објавено во: Македонија 21 Октомври, 2018
Eкс министерката за култура, Ганка Цветанова го кажа својот став за гласањето за уставните измени од пратениците на ВМРО-ДПМНЕ.
„Најголемото наследство што можеш да му го оставиш на своето чедо е чист образ“, напиша Цветанова на својот Твитер-профил.
Цветанова претходно ја повика Канческа Милевска јавно да се произнесе дали ќе гласа за
уставните измени. Рече дека тоа го должи на македонската култура која ја застапуваше 11 години.
Премиерот Зоран Заев им се заблагодари на сите пратеници кои ги поддржаа уставните измени и, како што рече, „особено на храбрите пратеници на ВМРО-ДПМНЕ и нивната коалиција кои го ставија интересот на државата над партиските интереси, и покрај големиот притисок од нивната партија“. Премиерот рече дека им ја гарантира сигурноста на пратениците и на нивните семејства. Тој потврди дека имало и други пратеници кои сакале да ги поддржат измените, но не соопшти нивните имиња.