Гасен: Пролетта во 2022 година ќе биде означен крај на пандемијата
Објавено во: Свет, Корона Вирус 02 Септември, 2021
Има оптимистична прогноза за крајот на пандемијата на коронавирусот.
Пандемијата ќе заврши следната пролет, тврди претседателот на Здружението на лекари во Германија, Андреас Гасен. Тој вели дека неговата прогноза се потпира на фактот дека стапката на вакцинација ќе расте, како и дека бројот на излекувани со антитела ќе биде многу поголем.
„Пролетта во 2022 година ќе биде означен крај на пандемијата со коронавирусот, а тогаш животот повторно ќе се нормализира. Оние кои не се вакцинирани, голема е веројатноста во наредните месеци да бидат заразени со ковид-19“, рече Гасен.
Истото мислење го делат и други познати научници од Германија. И претходно, лекари од различни земји прогнозираа кога ќе заврши пандемијата. Сепак, СЗО предупреди дека сме далеку од победа на вирусот. Опасност е тоа што се појавуваат нови соеви.