Газа: Загинаа 360 палестинци, настрадаа голем број деца

Добивај вести на Viber

Најмалку 14  Палестинци утрово загинаа во појачаната израелска копнена офанзива на појасот газа, со што бројот на палестински жртви достигна 357.

Осудите особено го предизвикуваат фактот дека голем број деца загинаа во судирот кој започна пред 13 дена. UNICEF наведе дека најмалку 73 деца загинале досега, а во заедничкото соопштение на невладините организации е наведено дека се убиени повеќе деца отколку милитанти. Тринаесетиот ден на израелската операција Заштитна ивица против Хамас, која владее на таа палестинска територија, вкупниот број на загинати Палестинци достигнал 357.

На израелската страна загинаа седум лица, вклучувајќи два цивила.

Во јако артилериско гранатирање источно од градот Газа денеска загинаа најмалку шест лица, изјави портпаролот на палестинското Министерство за здравје Ашраф ал Кидра за АФП.

Во еден артилериски удар на квартот Шеџаију загинаа жена, две деца и син на високо официјално лице на Хамас Калиа ал Хај. Бројот на жртви драстично расте пред посетата на регионот генералниот секретар на ОН Бан Ки Мун и додека се зголемуваа дипломатските напори да се воспостави прекин на огнот.

Паралелно со тоа се проширува и израелската операција со почеток на 8 јули со цел да се запре ракетирањето на Израел и Газа.

Во четвртокот вечерта, после десет дена воздушни удари и од море, започна копнената офанзива како би се уништиле тунелите ископани под границата со Израел, низ која се уфрлуваат екстремистите. Уште пред зори денеска во артилериски оган источно од градот Газа се убиени две деца, со што уште повеќе е зголемен и така високиот број на цивилни жртви.