Геј парада и контра-геј протест во Скопје

Добивај вести на Viber

Со дискусија на тема „Здравствени права на транс лицата“ и со проекција на кратки видеа за транс луѓето во Македонија во ЛГБТ Центарот за поддршка во Стара чаршија, од денеска официјално ќе почне „Неделата на гордоста “која ќе трае до 27 јуни.

Зад организацијата стојат Коалицијата „Сексуални и здравствени права на маргинализираните заедници“ и ЛГБТ Јунајтед во соработка со ЛГБТИ центарот за поддршка и ЛезФем.

Организаторите велат дека „Неделата на гордоста“ ја организираат како симболично одбележување на „Stonewall“ бунтот и на 27 јуни како интернационален ден на гордоста на лезбејките, геј мажите, бисексуалците и трансродните.

Неделата на гордоста вклучува неколку настани, дебати и филмски проекции поврзани со различни прашања кои се од интерес на ЛГБТ луѓето во Македонија.

Меѓутоа на социјалните мрежи група под името „Еден татко, една мајка“ организира и повикува на протести против идејата за геј-парада во Скопје кои треба да се одржат денеска со почеток во 14 часот пред Соборен храм „Св. Климент Охридски“.

Во најавата се изнесени хомофобни и дискриминаторски пораки кои апелираат на осуда и омаловажување на геј луѓето, а досега 500 луѓе го потврдиле своето присуство.