Георгиевски: Проблем беа листите, не дали ќе се коалицира со ВМРО-ДПМНЕ

Добивај вести на Viber

Лидерот на ВМРО Народна партија и екс премиер, Љупчо Георгиевски вечерва во Топ тема на Телма изјави дека немало некакво барање по изборите да не се коалицира со ВМРО-ДПМНЕ.

Вели дека проблем во преговорите со другите партии биле листите за пратеници. За неговата изјава деновиве дека е можно да коалицираат со ВМРО-ДПМНЕ вели дека е кажана повеќе на шега, но ако добијат ветер во грб од гласачите ќе размислуваат што понатаму. 

„Ајде да потпишеме и СДСМ нека потпише дека по изборите нема да оди во коалиција со ВМРО-ДПМНЕ. Што ако странците бараат широка коалиција?“ - рече Георгиевски. 

Вели дека деновиве имало многу шпекулации во медиумите, но потенцира дека тој ништо не му должи на СДСМ, и дека ВМРО-НП е посебен политички субјект. 

Георгиевски дека може да помогне за решавање на отворените прашања со Грција,  и Бугарија.

„Останав во добри односи со некои политичари во Грција и Бугарија. Можам да искористам дел од тие врски за да Македонија оди напред. Сите наши соседи одат напред, Србија, Црна Гора, Косово, Албанија, а ние останавме последна црна дупка“ – рече Георгиевски.

Додава дека во Македонија треба да се внесе дух на помируање, затоа што две години има криза.