Германија денеска гласа за почеток на преговорите на Македонија со ЕУ

Добивај вести на Viber

Македонија очекува на денешната сеница на Бундестагот да добие зелено светло за почеток на преговорите со ЕУ, а потоа „европската локомотива“ да ја следат и останатите членки пред дефинитивната одлука на 15 октомври.

Препорака за старт на преговарачкиот процес даде комисијата за надворешни работи на германскиот парламент, а консензус за Македонија  постигнаа владеачките  партии - демохристијаните и социјал демократите познати како коалицијата ЦДУ/ЦСУ. Пораки дека позитивно ќе се изјасни упати и втората политичка групација по големина - СПД,

Вицепремиерот за европски прашања Бујар Османи веќе е допатуван во Берлин и во живо ќе присуствува како гoстин на клучната седница и веќе најави дека е повеке од сигурен дека Македонија ке го помине и овој филтер на патот кон одлучувачкиот октомври.

Во интервјуто за националниот сервис, премиерот Зоран Заев од Њујорк, каде што учествува во Генераното собрание на ОН, нагласи дека посебно е важно дека нашата земја ја има мнозинската поддршка од граѓаните и од земјите-членки на Европската Унија и дека не постои земја-членка на ЕУ, која што има некој проблем кон Македонија.