Германци градат винарска визба во Кавадарци, ќе откупат 10 милиони килограми грозје
Објавено во: Агробизнис 07 Јануари, 2013
Германскиот инвеститор планира новата винарска визба во Кавадарци да биде готова до септември кога започнува гроздоберот. Подготовките за изградба на објектот се завршени, а ќе се гради на местото на некогашниот ладилник во Кавадарци, информираат од менаџерскиот тим на винаријата.
„За почеток треба да се откупат околу 10 милиони килограми на грозје од кои ќе се направат околу 7 милиони литри вино. Ќе се произведува само вино од повеќе вински сорти, не и ракија. Станува збор за чисто германски капитал“, велат од менаџерскиот тим.
Според најавите на Германските инвеститори во новата винарска визба која ќе се отвори наесен, треба да се вработат 20 лица.