Добивај вести на Viber
Германскиот производител на чипс „Intersnack“ со седиште во Келн е сериозно заинтересиран за купување на одделот за производство на сува, зачинета храна од својот британски конкурент „United Biscuits“.
Останатите заинтересирани за оваа продажба се компаниите „Lion Capital„, „CapVest“ и „Pamplona Capital“, пренесува Ројтерс. Трансакцијата може да достигне сума од 500 милиони фунти (622 милиони евра).
Компанијата „United Biscuits“ им припаѓа на финансиските инвеститори „Blackstone“ и „PAI“. Тие во моментов го продаваат само одделот за производство на чипсови и друга зачинета сува храна, бидејќи не можат да најдат купувачи за целата компанија. Инвеститорите ја добија компанијата во 2006 година, пред финансиската криза, за 1,6 милијарди фунти.
Познавачите на состојбите предупредуваат дека ваквата продажба на производството на делови, носи голем ризик за „Blackstone“ и „PAI“. Делот за чипсови е најатрактивниот оддел на „United Biscuits“, кој лесно ќе се продаде, додека сопствениците на двете компании најверојатно ќе треба да ги задржат останатите производни единици.