Ѓорѓиев: Студентите во студентските домови во Скопје не живеат, тие преживуваат

Добивај вести на Viber

Денес во изјава за медиумите Филип Ѓорчев од ВМРО-ДПМНЕ изјави дека студентите во студентските домови во Скопје не живеат, тие преживуваат. Наместо нормална храна им се сервира храна полна со бубачки и отпушоци.

„Студентите во ‘Стив’ вчера наместо ориз со месо, за ручек имаа ориз со бубачки. Од слика објавена во медиумите од која се гледа дека наместо јадење на студентите им се сервираат бубачки е згрозувачка. Пред само еден месец студентите во таблата со лебот добија отпушок од цигара. Ова е недозволиво. Ова е нечовечки“, рече Ѓорѓиев.

Тој додава дека недозволиво и трагично е во студентски дом, каде студентите плаќаат за својот престој, да се соочуваат со крајно нехумани услови за живот.

„Родителите кога ги праќаат своите деца во студентски дом ги праќаат со мислата дека таму ќе бидат сместени и дека ќе добијат нормална исхрана. Наместо тоа тие добиваат бубачки и отпушоци во јадењето“, вели Ѓорѓиев.

Ѓорѓиев потсети и на ветувањата кои ги даваше СДСМ за подобар студентски стандард и подобри услови за сместување и живот на студентите. 

„Зоран Заев, Рената Дескоска и Стефан Богоев ги лажеа студентите. Тие се сместија во нивните удобни функционерски фотелји и заборавија на студентите. По 10 месеци владеење на СДСМ условите во студентските домови не само што не се подобрени, туку се влошени. Студентите се жртва на лагите на СДСМ“, рече Ѓорѓиев.