Гласањето за мене значи израз на нашата слобода, тоа е како кревање рака, како барање збор!

Добивај вести на Viber

Гласањето за мене значи израз на нашата слобода, тоа  е како кревање рака, како барање збор!

„Едно од поважните граѓански уставни права и должности е правото на гласање, па така на 11 декември планирам да излезам на изборите и да ја искористам шансата во одлучувањето на иднината на земјата во која живеам јас, моите деца и внуци. Сметам дека е тоа наше право, изборено, а не подарено. Би сакал секој од нас да ја сфати важноста на овој настан и да го направи својот избор затоа што политиката е важна работа. Чувствувам одговорност бидејќи не одлучувам само за мојот живот туку и за животот на нашите деца. Не сакам да оставам  други да изберат за мојата иднина, затоа гласањето ни дава можност да одлучиме што е добро, а што лошо, што е исправно, а што неисправно. Јас верувам дека кога гласаме, не гласаме само за некого, туку гласаме за сопствена идеја и идеал. Ако не излезам на 11 декември, нема да можам да влијаам на нештата. Гласањето за мене значи заокружување на едно свесно дејствување и доколку ја пропуштам можноста да го искажам својот став тоа е како да не постоиш. Важно е да бидеме сплотени и да си покажеме дека не сме сами, туку дел од една заедница и да покажеме зрелост со тоа што ќе бидеме дел од нејзините одлуки. Гласањето за мене значи израз на нашата слобода, тоа  е како кревање рака, како барање збор. Значи дека имаме што да кажеме. Ќе гласам, за да се чуе мојот глас и да не се фрли моето право.  Во декември очекувам да покажеме дека сме совесни граѓани кои не ја изгубиле својата надеж и веруваат во подобра иднина.“

Томо Тасев 70 години, пензионер