Гледајте декларации! Во земјоделските аптеки препарати со поминат рок и до 7 години
Објавено во: Агробизнис 30 Ноември, 2012
Семе со поминат рок и пестициди кои не се на одобрената листа биле одземени минатиот месец од Државниот инспекторат за земјоделство по извршените контроли во 147 земјоделски аптеки .
Како што изјави директорот на Инспекторатот Румен Стаменов, одземени се 106 килограми недозволени препарати, етрел, вајдате, ланате, галатион, бебемил. При контролите, нагласи тој, најдени се препарати со поминат рок од седум години.
„Од продажба отстранет е 140.000 килограми семенски материјал, одземени се 60 килограми градинарски семиња и 1.260 килограми ѓубрива, а отстранети се 510 килограми“, информира Стаменов, кој додаде и дека на годишно ниво одземени се над седум тони.
Притоа соопшти тој, пронајдени се и 179 пакувања зелка од сортата рентон без декларација и оригинално пакување која во земјава влегла на непознат начин, во земјоделската аптека од Кочани, е пронајдено семе со поминат рок, пестициди без бандероли и со поминат рок, по што за сопственикот е изречена парични казни и барање за забрана за вршење работа.
Директорот на Инспекторатот апелираше до граѓаните за сите неправилности да пријавуваат на бесплатната телефонска линија на 0800 11 000, што според него ќе придонесе за заштита на производството и на здравјето на луѓето.Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
