Годинава повеќе продолжени викенди од лани: Следниот е овој викенд!

Добивај вести на Viber

Факт е дека сите со нетрпение чекаме да дојде продолжен викенд за да одмориме ден повеќе од работните обврски.

Годинава, ќе имаме повеќе продолжени викенди од лани, или вкупно седум.

Еден продолжен викенд ни помина за Нова година кога 1 јануари се падна во недела и слободниот ден беше поместен за во понеделник.

Следен продолжен викенд ќе биде викендов што е на повидок, затоа што Бадник или 6 јануари е неработен и се паѓа во петок.

Третиот продолжен викенд следи за Велигден.

Годинава големиот христијански празник ќе го чествуваме на 17 април и тој ден е неработен па така деновите ќе се спојат и ќе имаме продолжен викенд.

После велигден, продолжен викенд следнува на 1 Мај-Денот на трудот. И тој како и Велигден се паѓа во понеделник.

Идниот викенд во кој ќе одмораме три дена од работни обврски е во јуни кога се празнува Рамазан Бајрам, односно бидејќи празникот е во недела на 25 јуни, се префрла во понеделник.

Повеќе ќе се одмара и за 8 Септември – Денот на независноста, потоа за Денот на македонската револуционерна борба – 23 Октомври што паѓа во понеделник, апотоа продолжен викенд има со 8 Декември – „Св. Климент Охридски“ кој се празнува во петок.

Неработни за сите граѓани се и 24 мај – Денот на сесловенските просветители, 2 август – Денот на Републиката и Денот на народното востание – 11 октомври, кои годинава се во среда.

Граѓаните од православна вероисповед најмногу ќе одмараат за големиот христијански празник Велигден бидејќи за нив освен понеделникот – 17 април, неработен ќе биде и петокот – 14 април. Продолжени викенди православните верници ќе имаат и за Бадник на 6 јануари – петок, за Духовден на 2 јуни – петок и за Успение на пресвета Богородица, кој годинава е во понеделник. Како неработен ден за православните верници е и Богојавление – Водици, кој е во четврток.

Годинава, православниот Велигден е во исти ден со католичкиот Велигден така што и верниците од католичка вероисповед ќе празнуваат на 17 април – понеделник. Граѓаните од католичка вероисповед ќе имаат уште еден продолжен викенд за католичкиот Божик, кој годинава е во понеделник. За католиците неработен е и Празникот на сите светци – 1 ноември кој е во среда.