Голем број на новозаболени во Скопје и Тетово, денеска осум починати

Добивај вести на Viber

Во последните 24 часа се направени 1213 тестирања, а регистрирани се 196 нови случаи на ковид-19, од кои 90 во Скопје, а починати се осум пациенти, од кои четири од главниот град, еден од Струга, еден од Охрид, еден од Гостивар и еден од Ресен. Најмногу новозаболени по Скопје има во Тетово 45, Куманово 17, Охрид 11,  Струга и Гостивар по 8,  Штип 5.

На Клиниката за инфективни болести и фебрилни состојби починаа две лица од Скопје, пациентка на возраст од 76 години, хоспитализиран пред 10 дена, пациент на возраст од 67 години, хоспитализиран пред 8 дена и пациентка од Гостивар на возраст од 31 година, на болничко лекување од 26 мај.

Во ГОБ „8 септември“ починаа двајца пациенти од Скопје на возраст од 43 години-хоспитализиран на 11 јуни, пациентка на возраст од 59 години, хоспитализирана на 10 јуни и пациент од Струга на возраст од 56 години, хоспитализиран на 2 јуни.

Во болницата во Битола почина пациент од Ресен на 68 години, хоспитализиран во текот на вчерашниот ден. Во болницата во Охрид почина пациент на возраст од 81 години, хоспитализиран на 10 јуни.

Денеска Институтот за јавно здравје регистрира 11 оздравени пациенти. Досега во земјата се направени вкупно 42.262 тестирања на ковид -19. 

Вкупната бројка на ковид дијагностицирани во нашата земја од почетокот на епидемијата изнесува 3895.