ГОЛЕМ БРОЈ ЕКИПИ СЕ БОРАТ СО ПОЖАРОТ ВО ТРУБАРЕВО - претходно гаснеле во Горно Лисиче

Добивај вести на Viber

Пожарникарите од Бригадата за противпожарна заштита на град Скопје денеска се борат со два опасни пожари, кои избувнале во близок временски интервал. 

Голем број пожарникари сега се борат со пожарот кој избувна во компанијата „Ф-Групација“ во скопско Турбарево. Во негово гаснење се вклучени неколку екипи од Бригадата за противпожарна заштита на град Скопје.

Истите екиппретходно интервенирале и во гаснење на пожар во стара Цементара на ул. „Горноврановска“ во Горно Лисиче, велат од Бригадата за противпожарна заштита на град Скопје. 

Како што посочува командирот на Бригадата, во пожарот во Трубарево зафатени се и отпадни материи. 

- Во големиот пожар во Трубарево, зафатени се отпадни материи, се гасне со повеќе екипи - изјави Звонко Томевски, командир на Бригадата за противпожарна заштита на град Скопје.

Првиот човек на Дирекцијата за заштита и спасување, Стојанче Ангелов, укажа дека станува збор за посериозен пожар, бидејќи горат отпадни батерии и друг тип на електронски отпак, што го прави тежок за гаснење

Како што рече Томевски, веќе е изгаснат пожарот кај стара Цементара на ул. „Горноврановска“ во Горно Лисиче.