Голем пожар се шири во прилепско
Објавено во: Македонија 17 Септември, 2019
Голем пожар попладнево избувна кај манастирот „Свети Димитрија“ кај прилепското село Селце.
Пожарот се прошири накај блиската борова шума и засега нема опасност за манастирот.
Пожарникари од Противпожарната единица се на терен, а поради страв пожарот да не го зафати манастирот покрај пожарникарите се ангажирани и вработени во јавните претпријатија.
Се очекува интервенција на авиони канадери.
Оваа летна сезона во Македонија имаше многу пожари, а најголеми штети претрпе велешко.