Добивај вести на Viber
Откако на изборите во Австралија, конзервативната либерално- национална коалиција ја свои битката со централно-левичарската Лабуристичка партија , сега таа го презема кормилото на управувањето за развојот на економијата на Австралија.
Во постојано променливата и иссполнета со предизвици меѓународна средина, новата влада на Австралија ќе треба да донесе тешки одлуки за да го задржи економскиот раст на земјата, анализираат светските медиуми. Еве кои , според MarketWatch , се осумте критични проблемот со кои новата власт мора да се соочи :
1 .Виокиот економски раст на Австралија , најниската невработеност и зголемениот животен стандард е поддржан од зајакнувањето на односите со земјите во развој и најчесто со Кина и Индија , како и со побарувачката на суровини. Но Кина и Индија го забавуваат растот . Дури и стапката на раст да е над оној на развиените земји , промената на двигателите на растот значи дека побарувачката на суровини за производство ќе се намали .
Зголемениот капацитет поради агресивните инвестиции во последните неколку години , исто така, негативно ќе се одрази врз економијата, а слабата побарувачка ќе изврши притисок врз цените и обемите .
2 . Бумот во побарувачката на суровини , улогата на Австралија како доставувач за Кина , рејтингот од ААА и релативно високите каматни стапки ја зголемија вредноста на австралискиот долар , но сепак ослабе конкурентноста на производството , трговијата на мало , туризмот , образованието и здравствениот сектор , кои се најголемите работодавци во земјата .
3 . Од 2001 година трговското салдо на Австралија беше ниско поради во рударската индустрија и рекордната трговија. Поради слабата застапеност на извозот , дефицитот во тековната сметка на земјата , кој во моментов е околу 3-4 % од бруто домашниот производ ( БДП ) , е многу веројатно да расте , зголемувајќи ја зависноста од меѓународно финансирање .
4 . Јавните финансии се влошуваат поради силниот раст во секторот на суровините и послабата домашна побарувачка . Наплатата на приходите е исто така лоша , што може да доведе до хронични буџетски дефицити .
5 . Додека сега е добро капитализиран , австралискиот банкарски систем има исклучително голема изложеност кон домашната економија и пазарот на домување , кој според последните пресметки е преценет. И помал пад на цените , зголемување на невработеноста и намалувањето на приходите можат да го направат ранлив финансискиот систем.
6 . Структурата на трошоците за работна сила варира. Минимална надница е околу 16 австралиски долари на час , во споредба со САД , каде што е 7-8 австралиски долари , или Кина - 1-2 австралиски долари на час . На австралиските инженери се плаќа околу 170 долари на час , во САД - 132 долари , во Велика Британија - 129 долари , а во Јапонија - 77 . Во последната деценија платата во рударството се зголеми за 250 % . Продуктивноста на трудот сеуште не се подобрува .
7 . Политичките обиди за ребаланс на економијата имаа делумен успех . Централната банка на Австралија ја намали референтната каматна стапка до 2,5 отсто , со цел да се стимулира потрошувачката и станбениот сектор , како и да ја девалвира својата валута . Денес ниските каматни стапки имаат делумен успех во резиденцијалниот сектор , кредитната активност , потрошувачката , инвестициите , вработеноста и раст на довербата на потрошувачите. Ако се земе во предвид дека Австралија е увозник на готови производи , слабата валута ќе ја зголеми нивната цена , ќе ја намали куповната моќ и ќе ја ослаби потрошувачката .
8 . Искуството на Австралија да се преориентираат кон пазарот во Азија е лошо . Откако бумот во побарувачката на суровини и растот на рударството забавија, Австралија веќе сака да продава храна, образование , здравствена заштита и финансиски услуги на Азија , како и да привлекува туристи од континентот. Но и Азија се соочува со своите предизвици. Австралиската стратегија за Азија , исто така страда поради партнерството со САД во однос на политиките и безбедноста .
Бумот во рударската индустрија помогна за одржување на приходите и куповната моќ , а Австралија извлече полза од своите ресурси. Австралија може да изгуби значителен дел од приходите од екстракција на ресурси , бидејќи приходите ќе доаѓаат главно од потрошувачката .
Во интервјуто во декември 2012 година , Гувернерот на Централната банка на Австралија беше запрашан дали економскиот раст ќе се задржи , ако се скратат инвестициите во рударската индустрија .
„Секогаш ми го поставуваат ова прашање - Каде ќе дојде растот ? И тој речиси секогаш доаѓа . ", вели Гувернерот.