15 Април, 2021
0.0344

Готови законските измени: Во недела моловите ќе работат од 10 до 18 часот, за работниците двојна дневница

Објавено во: Економија 08 Април, 2021

Готово е предлог законското решение за недела неработен ден. Министерството за труд и социјална политика состави измени на два закони впрочем – тој за работни односи и Законот за трговија. И со двата предлога се регулира како неделата ќе биде неработен ден и за кого, кои се исклучоците. Објавата за измените веќе се ставени на ЕНЕР – единствениот национален електронски регистар, но целосните предлог измени ќе ги ставеле на страницата за пет дена. Со тоа и официјално ќе почне процесот за носење на овие измени – сепак и во нив стои, како што веќе најави Владата, дека измените ќе важат од 1 јануари следната година односно од стартот на 2022 година.

„Со Предлогот на закон се овозможува создавање на законски решенија за поголема заштита на правото на неделен одмор, при што се дозволуваат исклучоци во определени дејности и се елиминираат можните злоупотреби во однос на обезбедување на користењето на ова право.  Се овозможува и подобро усогласување на приватниот со професионалниот живот, стои во најавата за измените на Законот за работни односи.

Според нашите информации во ова решение се потврдува дека има исклучоци и дека некаде нема да може да се организира работа со недела неработен ден за сите. Меѓу исклучоците се и шопинг центрите, па и за нив неделата ќе биде работен ден. Сепак вработените во продавниците во овие центри ќе добиваат двојна дневница за денот, а ќе се работи во една смена односно само од 10 до 18 часот, како што беше најавено.

Сопствениците пак, ќе треба од буџетот да издвојуваат два проценти за детски градинки.

Со предлогот за измени на Законот за трговија кој исто така се менува, вчера на Енер беше објавено дека впрочем се уредуваат условите и начинот за вршење на трговија на внатрешниот и надворешниот пазар, мерките на ограничување на вршење на трговијата и заштитните мерки.

„Во рамки на делот за вршење трговија, законот го уредува и работното време на трговците. Согласно постојното законско решение, работното време го утврдува трговецот зависно од бројот на вработените, при што должината и распоредот на работното време што трговецот самостојно го утврдил треба да се усогласат со правата, обврските и одговорностите на вработените од работен однос утврдени со закон со кој се уредуваат работните односи. Со Предлогот на Законот за изменување и дополнување на Законот за работните односи се врши создавање законски решенија за поголема заштита на правото на неделен одмор во недела и се елиминираат можните злоупотреби во однос обезбедување на користењето на ова право, стои во описот на измените.

На предлог решението шопинг центрите да работат во недела веќе остро реагираше најголемиот синдикат во земјава, ССМ. Рекоа дека предлогот е неприфатлив.

Побараа да се уреди зголемување на додатокот на плата за работа во недела за најмалку 100 отсто за секој час поминат на работа на плата за сите работници од дејностите во кои не може да се прекине работниот процес

Инаку на 26 март годинава беше соопштено дека примената на недела неработен ден ќе биде од 2022 година. Тогаш тоа го кажаа вицепремиерот за економски прашања, Фатмир Битиќи и министерката за труд и социјална политика, Јагода Шахпаска на месечната седница на Комисијата за јавно-приватен дијалог. Сега од Министерството за труд и социјална политика не откриваат други детали но велат дека се прифатени дел од забелешките на стопанството за овие измени.

А токму стопанствениците имаа многу забелешки на ова предлог решение. Како што пишувавме, според, нив воведувањето на целосна забрана за работа во недела со исклучок на дејностите кои се поименично наведени, не оди во полза ниту на економските субјекти, ниту на работниците, ниту на македонската економија како целина, и ќе предизвика сериозни негативни импликации.

А.Т.

Можеби ќе ве интересира

Туристичко-угостителската комора „фрлена на колена“: Како ќе се надминуваат штетите предивикани од Ковид19

Туристичко-угостителската комора „фрлена на колена“: Како ќе се надминуваат штетите предивикани од Ковид19

Владата повторно инјектира милионски суми во државната компанија НЕР

Владата повторно инјектира милионски суми во државната компанија НЕР

Кој македонски производител на зејтин продава 50.000 акции? Цената е багателна!

Кој македонски производител на зејтин продава 50.000 акции? Цената е багателна!

ФИРМИТЕ СЕ ПОВЕЌЕ СЕ ЖАЛАТ НА ДРЖАВНИТЕ ОГЛАСИ - лани имало над 1.000 жалби до Комисијата за јавните набавки

ФИРМИТЕ СЕ ПОВЕЌЕ СЕ ЖАЛАТ НА ДРЖАВНИТЕ ОГЛАСИ - лани имало над 1.000 жалби до Комисијата за јавните набавки

Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати

Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати

Генерали Инвестментс: Инвеститорите со долгорочни цели на заштеда потребно е да истраат

Генерали Инвестментс: Инвеститорите со долгорочни цели на заштеда потребно е да истраат

Објавен летниот распоред: Повторно директна авионска линија помеѓу Малта и Македонија по пауза од една година

Објавен летниот распоред: Повторно директна авионска линија помеѓу Малта и Македонија по пауза од една година

Валалница во Србија им дава бонус на работниците ако се вакцинираат

Валалница во Србија им дава бонус на работниците ако се вакцинираат

ЏЕК МА ЗА САМО ЕДЕН ДЕН ГО ЗГОЛЕМИ БОГАТСТВОТО ЗА 2,3 МИЛИЈАРДИ ДОЛАРИ: Доби „солена“ казна, па заработи уште повеќе

ЏЕК МА ЗА САМО ЕДЕН ДЕН ГО ЗГОЛЕМИ БОГАТСТВОТО ЗА 2,3 МИЛИЈАРДИ ДОЛАРИ: Доби „солена“ казна, па заработи уште повеќе