Добивај вести на Viber
Иако растот на светската економија се опоравува, тој се уште е во застој во споредба со трендовите пред финансиската криза, коментира Business Insider.
"Аналитичарите почнуваат да се чувствуваат се помалку оптимистички расположени кон изгледите за економскиот раст во 2015 година. Исклучок прави еврозоната, каде податоците изненадувачки одат во нагорна насока", тврди Џејмс Помероиј од HSBC. Европа се справува добро делумно благодарение на извозот и домашната потрошувачка.
Иако растот на Кина е забавен, тој се уште е "доста над" просечните нивоа на раст во Г7. Заедно со Индија Кина е главната движечка сила која стои зад темпото на раст на бруто домашниот производ (БДП) на Азија.
Од друга страна Латинска Америка "се бори да го задржи темпото". Бразил ја повлекува Латинска Америка се повеќе надолу откако земјата не забележа никаков раст за 2014 година.
Што се однесува до САД, растот на БДП е негативен за првиот квартал на 2015 година, но годишниот раст на потрошувачката е "цврсто околу 3%", станбените инвестиции се враќаат и "влијанието од владините трошоци се намалува".
К.К.