ГРАФИКА: Што планираше, а што направи светот!?

Добивај вести на Viber

Милениумските цели за развој (ЦХР) на ОН се насочени кон осум клучни области - сиромаштија, едукација, еднаквост меѓу половите, смртност, здравствена состојба на мајките, болести, животна средина и глобално партнерство за развој. Секоја цел е поддржана од 21 специфични помали цели и повеќе од 60 индикаторот, кои требаше да бидат исполнети пред 2015 г . Неодамна ОН го претстави годишниот извештај за остварувањето на целите, а Guardian го резимира нивото до кои е постигната секоја цел . ЦХР 1: Бројот на луѓето кои живеат со помалку од 1,25 долари на ден е намален од 1,9 милијарди лица во 1990 година до 836 милиони луѓе во 2015 година, иако целта за бројот на луѓето кои страдаат од глад, да се намали за 50%, не беше постигната за малку. ЦХР 2: Бројот на децата евидентирани во основно училиште, значително се зголеми, но целта за постигнување на основно образование за сите, исто така не е постигната. Нето коефициентот на запишување е зголемен од 83% во 2000 година до 91% во 2015 година. ЦХР 3: Околу две третини од земјите во развој имаат постигнато еднаквост меѓу половите во основно образование. ЦХР 4: Детската смртност е намалена за повеќе од 50% во последните 25 години, пад од 90 до 43 смртни случаи на 1000 раѓања. Целта на ОН сепак е оваа бројка да се намали за две третини. ЦХР 5: Односот на смртноста на мајките при раѓањето на светско ниво, исто така е намалена за половина, но и тука целта која се бара, е пад од две третини. ЦХР 6: Целта да го совладување на ширењето на ХИВ / СИДА до 2015 година не е постигната, иако бројот на новозаразените со ХИВ е намален за околу 40% помеѓу 2000 и 2013 година. ЦХР 7: Околу 2,6 милијарди лица добиле пристап до вода за пиење од 1990 година, па целта од преполовување на луѓето без пристап до подобри водни извори е постигната уште во 2010 година - пет години пред планот. 663 милиони луѓе во целиот свет сепак продолжуваат да немаат пристап до вода за пиење. ЦХР 8: Помеѓу 2000 и 2014 година помошта за развој од богатите земји кон земјите во развој се зголеми за 66% во реални услови и во 2013 година достигна рекордната сума од 134,8 милијарди долари.   Обработка: К.К. Извор: Guardian