29 Март, 2024
0.0273

Граѓаните да не се грижат, за Велигден ќе има јагнешко, но ќе биде поскапо

Објавено во: Македонија, Агробизнис 23 Април, 2021

Добивај вести на Viber

Граѓаните да не се грижат, за Велигден ќе има јагнешко месо, но ќе биде поскапо, вели Скендер Аме, претседател на Здружението на сточари „Дешат“ од Дебар.

Сепак, објаснува дека количините нема да бидат како претходните години, затоа што македонските јагниња завршија на европскиот пазар за католичкиот Велигден. Најголем дел се извезени во Италија и Хрватска. Ова е добро за сточарите, но граѓаните за да набават јагнешко ќе треба да одвојат повеќе пари од семејниот буџет. Аме вели дека домашното јагне стандардно се бара на македонскиот пазар за празникот Велигден.

„Килограм јагнешко месо достигна 350 денари, а жива мера го плаќаат по 180 денари. За овој Велигден месото ќе биде поскапо за граѓаните за разлика од претходните години. Пред 2-3 години јагнешкото месо имаше поволна цена за граѓаните. Треба да се направи мерка со која ќе има јагниња и за извоз во странство, но и да остане за домашниот пазар“, вели Аме.

Тој објаснува дека дел од граѓаните купуваат јагниња директно од сточарите. Вели дека само од околината на Дебар и Центар Жупа на европскиот пазар годинава завршиле 20.000 јагниња, а за домашниот пазар ќе останат од 2.000 до 4.000 јагниња.

Од месарниците велат дека граѓаните купуваат јагнешко месо неколку дена пред празникот, за семеен ручек.

„Купуваат однапред, не чекаат ден или два пред празникот. Некој зема бут, некој  половина јагне. Цената е висока, од 350 до 380 денари зависи од месарница до месарница. Има луѓе кои ќе влезат и ќе прашаат колку чини, по што ќе си заминат“, објаснуваат од скопска месарница.

Вообичаено пред секој празник од граѓаните има поплаки дека се качуваат цените не само на месото, туку и на овошјето и зеленчукот. Секое покачување ги „удира“ граѓаните по џеб. Според најновите податоци од Државниот завод за статистика, просечната плата во февруари изнесувала 27.948 денари. 

Сања Атанасовска

foto freepik

Можеби ќе ве интересира

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“