19 Јуни, 2019
0.0183

Грчка инвазија врз Струмица и Гевгелија!

Објавено во: Економија 11 Ноември, 2012

Пониските цени на горивата, кои се за половина евро поефтини од тие во Грција, се причината поради која граѓаните од пограничните градови на нашиот јужен сосед се почесто  ги посетуваат бензинските станици во Гевгелија, Валандово, Дојран и Струмица. Дел од бензинските станици во пограничниот регион со цени истакнати во евра ги пречекуваат купувачите од Грција. Од ден на ден нивниот број е се поголем поради кризата во Грција, но и високите цени на горивото, кои изнесуваат 1,70 евра за еден литар бензин и 1,50 евра за нафта. Зголемената фреквенција на патници од Грција ја потврдуваат и од најголемиот граничен премин, Богородица. Информираат дека најчесто Грците по поминувањето на границата застануваат на бензинските станици во непосредна близина на Богородица и откако ќе наполнат гориво веднаш се враќаат назад. Освен на бензинските станици во близина на граничните премини, Грците го има и во Валандово, Гевгелија и Струмица. Вработените велат дека драстично е зголемен прометот, дури и над педесет отсто, а резервоарите на грчките возила најчесто се полнат до крај. -Грците ги има повеќе од порано. Најмалку полнат бензин за 20-30 евра, а најчесто резервоарите се полнат до крај при што трошат и над педесет евра, за да имаат да возат до наредното полнење. Покрај бензин, најчесто купуваат цигари, но не повеќе од една штека, бидејќи толку можат да внесат во нивната земја, информираат вработени од повеќе бензински станици во Струмица и Валандово. Грците ја бараат пиперката ајварка Покрај бензинските станици, Грците не ги заобоколуваат ниту продавниците за храна, а во последно време повторно се актуелни стоматолозите. Соседите најмногу ги има во четврток и сабота, кога во Гевгелија и Струмица се пазарни денови. -Купувачи од Грција најмногу има во саботите, кога во Струмица е пазарен ден. Најлесто купуваат хемиски производи, бело сирење и сувомеснати производи, кои се далеку поефтини  отколку кај нив, ни рекоа продавачи од поголемите маркети во Струмица. Иста е состојбата и во Гевгелија, каде секој четврток Грците најмноги ги има на пазарот на отворено. Купуваат зеленчук и овошје, а голем интерес пројавуваат и за македонскиот мед. До пред неколку денови интересна за Грците била и пиперката ајварка. Не ја купувале во големи количини, бидејќи, според продавачите, тие ја подготвуваат за зимница како туршија. Во Гевгелија се бараат станови и плацеви Во Гевгелија има голем интерес за купување станови и плацеви од грчки граѓани. Грци имаат изградено две згради за колективно домување, а цената за еден метар квадратен се движи од 600 до 1.000 евра. Во последно време неколку грчки грчки пензионери се преселиле да живеат во Гевгелија, бидејќи со нивните пензии многу полесно ги поминуваат пензионерските денови во Македонија. И стоматолизите од југо-истокот на државата тријат раце од Грците. -Нема ден да немаме пациент од Грција. Дури се случува еден откако ќе дојде, потоа да доведе други пациенти со него. Причина за тоа се многу пониските цени кај нас во споредба со нивните. Така на пример, коронка кај нив чини 300 евра, а кај нас 60, пломбирање заб кај нас чини 20, а во Грција 50 евра. Покрај поедниставните интервенции, пациентите од Грција бараат и комплетни стоматолошки услуги, вели д-р Методи Витанов од стоматолошпката ординација „Мет Дент“ во Струмица. Ристо Тасев

Можеби ќе ве интересира

Интервју, Гир Олсен: Маврово ќе има 500.000 посетители годишно

Интервју, Гир Олсен: Маврово ќе има 500.000 посетители годишно

Која фирма го плати директорот 62.000 евра за да и направи добивка од 258.000 евра?

Која фирма го плати директорот 62.000 евра за да и направи добивка од 258.000 евра?

ВЛАСТИТЕ ОДЛУЧИЈА: Во Берлин кириите веќе нема да растат

ВЛАСТИТЕ ОДЛУЧИЈА: Во Берлин кириите веќе нема да растат

Министерката Апостолска пред словачки бизнисмени ги претстави поволностите за инвестирање во земјава

Министерката Апостолска пред словачки бизнисмени ги претстави поволностите за инвестирање во земјава

Фејсбук објави детали за криптовалутата Либра

Фејсбук објави детали за криптовалутата Либра

Стигна дивидендата во Прилеп! Колку ќе се офајдат акционерите на „Витаминка“ ?

Стигна дивидендата во Прилеп! Колку ќе се офајдат акционерите на „Витаминка“ ?

Eкономските перспективи од Самитот на Западен Балкан во Познањ

Eкономските перспективи од Самитот на Западен Балкан во Познањ

Компаниите од земјава пред Полската бизнис заедница

Компаниите од земјава пред Полската бизнис заедница

Наскоро првата рата за новите автопати

Наскоро првата рата за новите автопати