Грчки медиум „вџашен“ од фејсбук-статус на Милошоски

Добивај вести на Viber

Грчкиот „Скаи“ објави фејсбук-статус на пратеникот Антонијо Милошоски со кој медиумот тврди дека поранешниот министер за надворешни работи отворено им се заканува на пратениците на ВМРО-ДПМНЕ кои гласаа или во иднина ќе гласаат за уставните измени според преспанскиот договор постигнат помеѓу Скопје и Атина.

„ПОУЧНА ПРИКАЗНА, кога османлиите сакале да го освојат Цариград, а не можеле никако!

Султанот Мехмед II со многу злато ги поткупил трговците од Цариград, да му кажат од каде да нападнат, за да го освојат.
Ги поткупил со голема количина злато, а тие му го кажале послабо обезбедениот дел од градот каде е полесно да нападнат.

Кога Османлиите го освоиле Цариград, Султанот ги собрал оние кои ги поткупил со златници и наредил да им ги отсечат главите, а златото со кое ги поткупил да им го стават во гробовите. На тоа се зачудиле османлиските генерали и прашале: ,,Султане, тие ни помогнаа да го освоиме Цариград, зошто им ги сечеш главите?" 
Султанот на тоа одговорил: ,,кога тие СВОЈОТ НАРОД го продадоа за пари, замислете што може да ни направат нам"!?“, напиша Милошоски.

Според „Скаи“ со овој коментар Милошоски ги квалификува пратениците како „дезертери“ и тоа е показател за тензичната клима и притисокот кој партијата им го врши на народните претставници.