Грција и Хрватска се во црвена зона - објавена е нова корона мапа
Објавено во: Балкан, Корона Вирус 07 Октомври, 2021
Oбјавена е нова корона мапа за Европа, при што во Грција ситуацијата е непроменета, односно од минатиот четврток одредени делови се наоѓаат во портокалова зона, но поголемиот дел од земјата е во црвена зона.
Хрватска повторно се наоѓа во црвена зона. Во Италија ситуацијата е подобра од минатата седмица. Поголем дел од земјата се наоѓа во портокалова зона со тоа што некои делови во споредба со минатонеделната карта, се во зелена боја. Во темноцрвена боја се наоѓаат цела Словенија, како и Литванија и Естонија. Шпанија и Франција во однос на минатата седмица - поголемиот дел од нив е во зелена зона, а пак одредени делови останале во портокалова зона. Секој четврток Европскиот центар за превенција и контрола на болести објавува нова корона-карта. Таа покажува каква е епидемиолошката состојба во земјите во Европа.