Грција прифаќа предлози од нашата опозиција - но кои?

Добивај вести на Viber

Maкедонскиот премиер, Зоран Заев вели дека се консултирале и со Грција, при што некои предлози од опозицијата се прифатливи. 

Ова го кажа Заев попладнево на првата од петте јавни расправи што ги организира Владата за уставните амандмани.

Тој ги потенцира предлозите на Панчо Минов за постепена примена, како и дел од предлозите на Илија Димовски за вметнување на Уставот од 1991, но и предлози на албанската опозиција од Алијансата на Абанците и Беса на Касами, изнесени на собраниските дискусии.

Заев додаде дека  предлозите на осумтемина пратеници од независната пратеничка група се веќе вградени во нацрт-амандманите и посочи на одлуката уставните измени да стапат на сила  само доколку Грција ги ратификува договорот од Преспа и протоколот за наше членство во НАТО.

Премиерот вели дека дискусиите ќе траат пет работни дена, до следниот вторник, и уште два дена да ги сублимираат предлозите за потоа да се достават до Собранието.

Преку јавни дискусии со експерти и со граѓани, власта ги почнува серијата дебати за уставните измени. Првата јавна дискусија попладнево во Владата ја отворија премиерот Зоран Заев, и професорите Владо Попоски и Љубомир Фрчковски.