Грипот А Х1Н1 стигна во Македонија, надлежните со совети за превенција

Добивај вести на Viber

Oд Институтот за јавно здравје на Македонија  го потврдија почетокот на сезоната на грип во земјава. Како што информираше Голубинка Бошевска од Институтот, три деца на возраст на 13 - годишна возраст од Тетово добиле  дијагноза дека имаат грип тип А Х1Н1. Примероци за анализа се земени од Центарот за јавно здравје во Тетово и анализирани на Институтот за јавно здравје. Сомнителни биле уште три лица, исто така од Тетово, појасни Бошевска, но сепак кај нив анализите за присуство на грип биле негативни. И во Европа, појаснуваат од Институтот, бројот на анализирани случаи е многу мал. „Од вкупниот број на пристигнати примероци во европските лаборатории 71 процент е инфлуенца А, 45 проценти е Х1Н1, 55 проценти е Х3Н2, а 29 отсто отпаѓа на инфлуенца Б“, информираше денеска Бошевска која исто така додаде дека и годинава лабораторијата на Институтот ги исполни критериумите на Светската здравствена организација и доби акредитација дека лабораторијата може да врши дијагностика на грип. Институтот за јавно здравје во просек неделно регистрираат 60 новозаболени случаи, односно минатите 10 недели имало околу 400 случаи на грип во земјава. Најмногу регистрирани случаи има во Скопје, Струмица, Тетово и Куманово. Сепак, велат од Институтот, бројот на заболени веројатно е многу поголем бидејќи не се сите пријавени и регистрирани. Советите од надлежните за да не се пренесе грипот се избегнување контакт со заразени лица,  внимавање на хигиена на рацете, избегнување престој во затворени простории и слично.