Грција: Имаме план „Б“ ако Европа не ни даде пари
Објавено во: Балкан 30 Јуни, 2015
Атина има „план Б“ во случај ако Европа не го обнови финансирањето на Грција. Тоа го вели во интервју за телевизија „Россия 24“ министерот за реформите, заштитата на животната средина и индустрија Панајотис Лафазанис.
„Сметам дека на референдумот Грците ќе го кажат своето „Не“ на оваа уцена, која ни ја наметнува Европа. Потоа и банките ќе проработат, и сè ќе биде добро. Ако нашето општество ако го каже нашето јасно „не“ на оваа уцена, но Европа не промени својот однос и не го обнови финансирањето, имаме „план Б“. Бидејќи недостатокот на пари од ЕУ не е крај на светот. Постојат и други извори“, изјавил Лафазанис.
Министерот не открива детали и изразува надеж дека решение сепак ќе биде најдено.
„Но, ако тоа не се случи, ве уверувам, ќе имаме можност да излеземе од ситуацијата како победници. Ние официјално не сме побарале помош од никого, но секоја помош сега нема да ни е излишна, и пред сè од Русија. Тоа би било за нас голема помош“, додал тој.