Грција не постигна прелиминарен договор со кредиторите

Добивај вести на Viber

Грција не успеа да постигне прелиминарен договор со ЕУ и ММФ за обновување на финансиската помош, бидејќи доверителите ги отфрлиле како недоволни предложените пред дена планови на новата влада во Атина.

Извор на „Ројтерс“ вели дека листата со реформи била повеќе нафрлување на идеи отколку конкретни мерки.

Ова го зголемува притисокот врз Владата на крајната левица и националистите да покажат вистинска волја и проекти за промени. Инаку за неколку недели Грција останува без средства, со кои државата може да ги извршува своите обврски.

Властите ги коментирале јаловите кругови на преговорите со т.н. Бриселска група со зборовите дека остануваат цврсто решени да постигнат договор врз основа на мерките кои нема да го нарушат економскиот раст.

Тоа не е неуспех, туку сигнал дека разговорите напредуваат бавно, додава друг извор за „Ројтерс“.

По првичната напнатост и губење на довербата меѓу двете земји, сега Грција и европските партнери се обидуваат јавно да покажат подобрување во односите.

Најсериозното несогласување за клучните прашања како реформата на пензиите и пазарот на трудот остануваат. Во понеделникот премиерот Алексис Ципрас уште еднаш изјавил дека нема да отстапи по прашања како намалување на платите и пензиите, масивно кратење на буџетските службеници и брза приватизација.

За утре е закажан конференциски состанок со заменик-министрите за финансии од еврозоната. Претставниците на земјите од групата на единствената валута велат дека грчките планови изгледаат несоодветни. Извор од ЕУ смета дека кредиторите се уште немаат листа на реформи, кои се очекувале од Атина.