Добивај вести на Viber
Околу 150.000 пензионери бара Националниот осигурителен институт на Грција ИКА ,бидејќи не се јавиле за пререгистрација. Процедурата почна во јули откако се појавија случаи на незаконска исплата на пензии, вклучително и исплата на пензии на починати лица. Како пример се наведува жената која починала во 1996 година, а примала пензија до 2011 година
Рокот за пререгистрација е пролонгиран до петти октомври. Ако дотогаш пенизионерите не се јават лично ќе биде стопирана банкарската исплата на пензии, а корисниците ќе можат да ги подигнат парите од филијалите на ИКА. Во случај и таму да не се јават пензионерите, исплатата ќе биде стопирана и ќе отпочне проверка.
од ИКА истакнуваат и дека ќе ги проверуваат и исплатите на инвалидски пензии откако се утврди дека 80 проценти од корисниците на инвалидски пензии за слепило на островот Закинтос немаат проблеми со видот.