Груевски: Доброволно ќе прифатам да ме уапсат и затворат

Добивај вести на Viber

Доброволно ќе прифатам да ме уапсат, затворат и малтретираат ако тоа му е услов на Заев-пишуваше минатата година екс премиерот кој сега се бара со потерница, барајќи да не се спроведува тиранската платформа.

„Ако толку по секоја цена сака Заев да биде премиер, нека не удира по државните и националните интереси. Нека ја спроведува програмата од изборите без редефинирањето. Нека удри и по нас, ама не по државата и нејзините темели. Еве јас доброволно ќе прифатам ако тоа му е услов на Заев да ме уапсат, затворат и малтретираат, а ВМРО-ДПМНЕ да го поддржува како малцинска влада колку време сака до наредните избори кои заедно би ги договориле, нека удри по мене, само нека се откаже од удирање по темелите на државата заради желбата да е на власт. Ова нека го сфати како јавна понуда“- пишуваше преку социјалната мрежа Фејсбук Никола Груевски.

По неколку обиди да го пронајде судскиот курир и да му го достави лично решението дека треба да се јави во затворот Шутка веднаш, Груевски не е достапен.

Нема трага ни глас од поранешниот лидер на ВМРО ДПМНЕ а полицијата засега кажа дека не е распишана меѓународна потерница.