Груевски и Спасов делеа пакетчиња во Домот за деца без родители

Добивај вести на Viber

Со новогодишни пакетчиња, облека и шпорет, премиерот Никола Груевски и министерот за труд и социјална политика Диме Спасов им ги честитаа претстојните празници на децата од Домот за деца без родители „11 Октомври“ во Скопје. Децата пак им подготвија претстава, за да им се заблагодарат што дошле. Премиерот им посака здравје и успех во наредната година,  а Спасов, рече дека грижата за овие деца е приоритет. Тој ги спомена и проектите во таа насока. „Изминатиот период се спроведуваа голем број проекти насочени кон зголемување на поддршката на овие деца, како што е Програмата Д 10 преку која само годинава се вработени 83 лица кои имале ваков статус до својата 18 година во државните институции, а се зголеми и финансиската поддршка за децата кои го продолжуваат своето учење односно се запишуваат на факултет, постдипломски магистарски па дури и докторски студии од 24 илјади денари месечно“,посочи министерот. По напуштање на Домот, децата добиваат помош од 180 илјади денари ште за неколкупати повеќе од претходно, порача Спасов. Сите проекти покажуваат дека се води грижа за овие деца, дека не се оставени на маргините на нашето општество, заклучи тој.