Груевски се сретна со Жбогар - Протестите да не излезат од контрола

Добивај вести на Viber

Никола Груевски, заедно со дел од најтесното раководство на ВМРО-ДПМНЕ, вчера по средбата со американскиот амбасадор се сретна и со евроамбасадорот Самуел Жбогар. На средбата било разговарано за успешно спроведените избори кои биле мирни, за продолжување на ЕУ агендата во новиот парламентарен состав, побрзо формирање влада доколку е возможно и секако протестите во последните денови кои се загрижувачки од повеќе испади во говорите на политичарите. 

Жбогар нагласил дека Брисел повикува на лидерство со цел протестите пред  ДИК да не излезат од контрола и изразил загриженост од реториката која се користи од дел од говорниците во демострациите. Нагласи и дека ЕУ не се меша во работата на ДИК.

ВМРО-ДПМНЕ изрази разочараност од некои одлуки на ДИК кој се обидува да изврши постизборен инжинеринг, по што следеа детални информации околу скандалозното гласање на ДИК за поништување на едно избирачко место, базирано на изјава на личност дека не гласала, а истовремено сите членови на изборната комисија потврдија дека на прстот на лицето кое вели дека не гласало имало видливи траги од спрејот кој се става кај секој гласач, велат од ВМРО-ДПМНЕ.

- Амабасадорот потенцираше дека тие не ги коментираат одлуките на независни државни институции, каква што е ДИК, и колку што разбира конечната одлука треба да ја донесе Управниот суд доколку има жалба на одлуките на ДИК. На крајот на средбата амбасадорот уште еднаш посочи дека очекува лидерство во правец на неескалирање на состојбите, на што беше одговорено дека неможе да се предвиде што ќе се случи, бидејки има голем број револтирани граѓани чии постапки неможе да се предвидат и целосно контролираат доколку институциите не работат согласно законот, стои во соопштението.