Груевски: ВМРО-ДПМНЕ нема да ги признае резултатите од прегласувањето

Добивај вести на Viber

Со химната на Македонија, бакли и аплаузи лидерот на ВМРО ДПМНЕ е пречекан пред седиштето на ДИК каде што се собрани и веќе трет ден ја „бранат“ победата неговите поддржувачи. 

Во позадина се слушаа и петарди, а протестантите извикуваат Никола, Никола.

„ДИК, донесе незаконски одлуки со цел изигрување на изборната волја на народот.

Работата на оваа институција се претвори во пародија. Имаме информации за вмешување на странски претставници со цел влијание на некои од членовите на ДИК, а во правец на пост изборен инженеринг и фалсификување на изборната волја на граѓаните.

Некои од независните членови на ДИК не се независни. Незаконските одлуки може да ги корегриа Управниот суд. Да не се врши притосок на судот од никого.

Доколку и тој подлегне на влијанијата од страна и ги потврди одлуките на ДИК со тоа се потврди и се фалсификува победата на ВМРО-ДПМНЕ“, истакна во своето обраќање лидерот на владеачката партија.

Груевски рече дека неговата партија нема да ги признае резултатите од тоа прегласување доколку и се одзеде победата на ВМРО ДПМНЕ ниту пак ќе дозволи Заев да формира влада со фалсификувана волја на граѓаните. 

„Нема да дозволиме функиционирање на институции кои го немаат лигитимитетот на граѓаните. Државата мора суверено да ги носи одлуките. Некои амбасадори почнаа премногу да се мешаат во внатрешната политика на земјата, тоа мора да запре“, рече Груевски, со што тој им упати порака на амбасадорите кои вчера беа на средби со него.

ВМРО-ДПМНЕ рече уште Груевски дека нема да биде повеќе дел од форматите на приговори во кои учестуваат и странски претставници , нема да прифати и нема да дозволи кантонизација и редефинирање на државата.