ГРУПИТЕ ИМААТ НАД 20.000 ЧЛЕНА: Eквадор се пресметува со бандите, тенкови има на улиците

Добивај вести на Viber

Во Еквадор, војска и тенкови има на улиците, а учениците се пратени дома. 

Ваква е сликата на улиците на Кито и Гвајакил, најголемите градови во Еквадор во кои државата решила да се пресмета со криминалците и бандите. Гвајакил, град на брегот на Тихиот океан, има најголема стапка на криминал во Еквадор. Терористичките групи имаат повеќе од 20.000 членови. 

Во Еквадор денеска училиштата и продавниците се затворени, многу луѓе останале дома, а војниците патролираат по улиците на најголемите градови на оваа јужноамериканска земја, ден откако вооружени членови на една банда упаднаа во телевизиска станица и во текот на пренос во живо 15 минути им се закануваа на новинарите и другите вработени. 

Претседателот Даниел Нобоа, кој дојде на власт во ноември со ветување дека во Еквадор ќе донесе мир, издаде декрет со констатација дека нацијата влегла во „внатрешен вооружен конфликт“.

Утрово полицијата уапсила најмалку 70 луѓе поради терористички акти, вклучувајќи и 13 лица кои ја заземале ТВ станицата. 

Вонредната состојба е воведена откако во неделата од затвор побегнал Адолфо Месијас наречен „Фито“, лидер на наркокартелот Лос Конерос. Оваа организација се поврзува со моќниот мексикански наркокартел Синалоа.