Гугл ја повлекува тужбата против Ејпл

Добивај вести на Viber

Гугл неочекувано ја повлече тужбата против Ејпл поради патентот покрената во мај, откако претходно ја превзема „Motorola Mobility“ за 12милјарди долари. Во август, новата фирма на Гугл, поднесе тужба во американската Меѓународната комисија за трговија , притоа тврдејќи дека Ејпл неовластено користи  седум од неговите патенти за технологија, како што се пораките, гласовните команди и мултимедија. Пред две недели, Комисијата одлучи да се истражуваат обвинувањата кон Ејпл, но пред  само два дена, Гугл пратил допис во кој се откажува од сите тужби, за процесот кој се очекуваше дека ќе трае најмалку една година. Гугл не даде објаснување зошто се одлучила на последниот потег за повлекување на тужбата, но оттаму само навестија дека и понатаму ќе си ги бранат своите партнери. Ејпл, од друга страна пак, во ниту еден момент не покажа дека се противи на тужбата поднесена за крадење на патентите, па оттаму одбиваат да ги коментираат и последните случувања. Двете компании поднесоа низа тужби за патенти, едни против други,  низ целиот свет. Истовремено со повлекувањето на жалбата на  Гугл, Самсунг ги засили своите тужби против Ејпл во САД.  Јужнокорејската компанија го стави „ iPhone 5“ на листата уреди за кои тврди дека неовластено ги користат нивните патенти.