Бизнис или екологија: За старата облека во „H&M“ добивате купон со попуст!

Добивај вести на Viber

Клиентите во шведскиот моден ланец „H & M“ од февруари можат во овие модни куќи да ја носат и својата стара облека, пишува Дојче Веле. Купувачите, за својата стара облека добиваат купон за попуст на новите колекции. Оваа акција се спроведува од целиот свет, а Германија во моментов се вклучени 80 продавници. Секоја година тони текстил се фрлаат во ѓубре и завршуваат во депониите. Но најмногу до 95 проценти од оваа облека може да се носи повторно или пак да се рециклира, велиат од „H & M“. „Сакаме да им понудиме на нашите клиенти на лесен начин да се ослободат од своите стари алишта. На подолг рок, имаме визија од старата да правиме нова облека", изјави портпаролката на „H & М“. Таа објаснува дека собраните алишта прво ќе се чуваат во продавница, а потоа партнерските компании ќе ја собираат и транспортираат за селекција според различни критериуми. Облеката која се уште е нослива, ќе биде продадена како половна облека. Текстилот пак кој повеќе не може да се носи, ќе се претвори во крпи или ќе се користи за производство на материјали за изолација. Приходи ќе бидат акумулирани за социјални проекти и истражување на тема рециклирање. Критичарите пак истакнуваат дека акцијата не е создаден само од грижа за животната средина, туку затоа што овие клиенти ќе бидат охрабрени да дојдат во продавница и да добијат попуст од 15 отсто за да купат нешто ново и да потрошат пари. Донациите на облека во соработка со компаниите се контроверзни, бидејќи многумина од рециклирање прават вистински бизнис. „Од тон стара облека може да се заработи околу 250 милиони евра. Според тоа, освен компаниите, во бизнисот влегуваат и се поголем број општини", објаснува Дитер Шулц од Германскиот Црвен крст. Само во Германија секоја година се фрла околу еден милион тони стара облека. Ова значи дека по контејнерите лежат 250 милиони евра, пишува Дојче Веле.