21 Октомври, 2021
0.0627

ХАЏИМИШЕВ ЗА ФАКТОР: Топлификација не е загубар и ќе тужиме за штетата, парното допрва ќе поскапува

Објавено во: Економија 27 Септември, 2021

Топлификација АД во стечај не е загубар и вреди многу повеќе од постигната цена на организираната лицитација. Во четвртокот Адора инженеринг соопшти дека за 9,3 милиони евра, ги купила Топланите Исток и Запад и најголемиот дел од останатиот имот на Топлификација АД, која е во стечај. Хаџимишев кој е претставник на малите акционери и долгогодишен прв човек на компанијата вели дека Топлификација била единствено претпријатие од таков тип во регионот кое го зголемило својот капитал низ годините од 1994 до 2017 година и најавува тужба.

„ Веќе има постапки пред домашните наделжни органи за постапката со која Топлификација се носеше во стечај, а две постапки се подготвуваат за судските институции надвор од државата. Ова е рашомонијада. Ако се реализира оваа продажба ќе ја тужиме државата за штета направена во судска постапка, вели Хаџимишев за Фактор.

Тој објаснува дека проценетата вредност на Топлификација АД во стечајната постапка на оваа фирма без побарувањата од ТЕ-ТО по основ на пресудата на Врховниот суд е над 30 милиони евра. Вкупната вредност пак заедно со побарувањата е над 63 милиони евра.

Инаку Адора нема да ги откупува долговите кои не ни биле на продажба на јавната лицитација. Хаџимишев вели дека Топлификација е успешна приказна, но дека сите околности во кои како што вели има и сериозен криминал претходно, резултирале со исход компанијата да оди во стечај. Таа била прва и единствена компанија која котираше на Македонска берза. Постапката за стечај почна во 2018 година кога ТЕ-ТО како мнозински акционер побара да се отвори постапка за долг од 1 милион евра

Одлуката за продажбата на Адора треба да се донесе на Собранието на доверители на 8 октомври.

Хаџимишев инаку вели дека гасот допрва ќе поскапува во земјава поради цените на глобалниот пазар и затоа што досега цената се држи поради политика.

А.Т.


Можеби ќе ве интересира

Како Европа ќе закрепне од ударот на корона кризата?

Како Европа ќе закрепне од ударот на корона кризата?

Швајцарија оваа зима може да остане без струја

Швајцарија оваа зима може да остане без струја

Ги замрзнаа цените на скоро 1.500 производи до 2022 година

Ги замрзнаа цените на скоро 1.500 производи до 2022 година

Нов пробив за биткоинот

Нов пробив за биткоинот

Генерали Инвестментс: Повисоката инфлација најверојатно ќе трае подолго од очекувањата на јавноста

Генерали Инвестментс: Повисоката инфлација најверојатно ќе трае подолго од очекувањата на јавноста

АНАЛИЗА: Можни ли се рестрикции на струја во зимата, експерти алармираат - состојбата е катастрофална

АНАЛИЗА: Можни ли се рестрикции на струја во зимата, експерти алармираат - состојбата е катастрофална

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

„Македонија пат“ за една година бројот на вработени го зголемил за 130

„Македонија пат“ за една година бројот на вработени го зголемил за 130

Многу држави ќе натрупаат долгови поради пандемијата

Многу држави ќе натрупаат долгови поради пандемијата