Хакери повторно ја нападнале Владата на САД

Добивај вести на Viber

Владата на САД објави дека открила компјутерска пенетрација, со што се украдени лични податоци на 4 милиони владини претставници.

Сајбер-нападот бил откриен во април од страна на Бирото за управување со персоналот, кое е одговорно за изборот на соработниците на федералните министерства и оддели на обезбедувањето како и пристап до доверливи информации, пренесоа агенциите.

Сенаторот Сузан Колинс, член на Комисијата за разузнавање на Сенатот, ја обвини Кина за нападот.

Според весникот „Вашингтон пост“, кој цитира исказ на едно лице кое сакало да остане анонимно и кое тврди дека, компјутерскиот напад е извршена во декември од кинески хакери. ФБИ соопштило дека сеуште го истражува сајбер нападот.

Според „Асошиејтед прес“ кој исто сакал анонимност и кој е соработник на конгресмен биле пробиени податоците кои се чувале во Бирото за управување со персоналот и во министерството за внатрешни работи. Според други американски официјални претставници, хакерскиот напад би можел потенцијално да влијае на секој федерален завод.

Околу 4 милиони вработени ќе добијат известувања дека нивните лични податоци може да биле компромитирани. Ова е втор пат, припишувајќи на Кина инцидент против федерална агенција за помалку од една година. Во исто време, пред неколку месеци Русија беше обвинета за влез во системот на Белата куќа и Стејт департментот.

Во април претставник на Одделот за управување со персоналот изнесе загрижувачки податоци за време сослушување во Конгресот велејќи дека службата е предмет на речиси два и пол милијарди напади месечно.

Претставник на Кина ги отфрли како „неодговорни“ и „контрапродуктивни“ обвинувањата дека неговата земја ги организирала хакерските напади.