Халкбанк- PayPass картички за брзо и бесконтактно плаќање

Добивај вести на Viber

 Халкбанк  ја претстави својата нова услуга на пазарот во Македонија - MasterCard PayPass платежните картички за бесконтактно плаќање како одговор на потребите на своите клиенти и во согласност со барањата на модерното време. Ова е првиот и до сега единствениот платежен метод во земјава со кој на купувачите им се овозможува  полесен и побрз начин за плаќање, без да мораат да ја повлечат картичката низ платежниот терминал, да им ја предадат на касиерите, ниту пак да се потпишат на потврдата за исплата. На прес конференцијата одржана по тој повод се обрати Главниот извршен директор на Халкбанк АД Скопје, г. Неџдет Палакчи, кој изјави: „Новата PayPass технологија претставува дел од една ера што Халкбанк ја следи и им ја обезбедува на своите клиенти. Искористете ја можноста да плаќате на уникатен начин додека брзате и не пропуштајте ги важните моменти во вашиот живот“. Исплатата со Paypass функционира исто како и традиционалното плаќање со MasterCard платежните картички, но целиот процес е многу поедноставен и побрз отколку кога се користат готови пари, со што купувањето станува полесно од било кога. Директорот на Дирекцијата за алтернативни канали на дистрибуција и платежни картички во Халкбанк АД Скопје, г. Владо Цветковски изјави:„Трансакциите за кои не е потребна ПИН авторизација или своерачен потпис се лимитирани до 1200 денари. Невозможно е при плаќање некој да ги злоупотреби личните податоци на имателот на картичката.  Дури и клиентот по грешка да ја допре картичката два пати до PayPass терминалот, не може да биде задолжен повеќе од еднаш“. MasterCard PayPass картичката е дизајнирана да обезбеди брз и лесен начин на исплата, со што се подобрува положбата на купувачите при плаќањето. Овој метод го зголемува чувството на безбедност, бидејќи платежната картичка останува под контрола на сопственикот во текот на целата трансакција. Заменикот генерален директор на Халкбанк Турција и Директор за информатички системи и технички услуги, г. Ерол Гонџу изјави: „Веруваме дека овој производ ќе создаде нови начини, како и бизнис вредности и можности на пазарите за микро плаќање, особено во транспортот, на автопатите, при брзото купување на производи за широка потрошувачка и на универзитетските кампуси“. MasterCard PayPass картичката ќе може да се користи на сите продажни места во земјава каде што брзината на плаќање е од големо значење и се поставени PayPass ПОС терминали, како што се: супермаркетите, рестораните за брза храна, бензинските станици, кина, такси превоз итн..